Skip to main content
  • ភាសា   |

ព័ត៌មាន

សូមចុចនូវតំណភ្ជាប់ខាងក្រោមដើម្បីមើលព័ត៌មានថ្មីបំផុតៈ

វេទិកាស្រូវអង្ករកម្ពុជាលើកទី៦ ការសម្ភោធម៉ាកវិញ្ញាតកម្មម្លិះអង្គរ និងមហាសន្និបាតសហព័ន្ធស្រូវអង្ករកម្ពុជាប្រចាំឆ្នាំ២០១៧

      រាជធានីភ្នំពេញ៖ នាថ្ងៃចន្ទ ៦កើត ដល់ថ្ងៃអង្គារ ៧កើត ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២២ ដល់២៣ ខែមករា ឆ្នាំ២០១៨ នៅសណ្ឋាគារសូហ្វីតែល ភ្នំពេញ ភូគីត្រា មានរៀបចំកម្មវិធី វេទិការស្រូវអង្ករកម្ពុជាលើកទី៦ ការសម្ភោពម៉ាកវិញ្ញាតកម្មអង្ករជាតិ “ម្លិះអង្គរ” និងកម្មវិធីមហាសន្និបាតសហព័ន្ធស្រូវអង្ករកម្ពុជាប្រចាំឆ្នាំ២០១៧ ក្រោមអធិបតីយភាព ឯកឧត្តមឧបនាយករដ្ឋមន្រ្តី យឹម ឆៃលី ប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ និងជាតំណាងដ៏ខ្ពង់ខ្ពស់របស់ សម្តេចអគ្គសេនាមហាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ កម្មវិធីនេះត្រូវបានរៀបចំដោយ សហព័ន្ធស្រូវអង្ករកម្ពុជា និងមានការចូលរួមសហការពីក្រសួង-ស្ថាប័នពាក់ព័ន្ធទាំងរដ្ឋ និងឯកជន។ វេទិកានេះមានគោលបំណង ដូចខាងក្រោម៖
     ១. ដើម្បីជម្រុញនូវផលិតកម្ម ការនាំចេញអង្ករ កាន់តែច្រើនឡើងទៅផ្សារអន្តរជាតិ
     ២.ធ្វើឲ្យម៉ាកសញ្ញាអង្ករកម្ពុជាត្រូវបានគេស្គាល់ជាលក្ខណៈអន្តរជាតិ
     ៣. ស្វែងយល់ពីបញ្ហាប្រឈម និងស្វែងរកដំណោះស្រាយដោយស្ថាប័នរដ្ឋ ឯកជន និងភាគីពាក់ព័ន្ធដើម្បីសម្រេច នូវគោលដៅនាំចេញ
     ៤. អញ្ជើញអតិថិជនអន្តរជាតិ ពីទីផ្សារសំខាន់ៗពីអ៊ឺរ៉ុប មជ្ឈិមបូព៌ា ដើម្បិស្វែងយល់ពីវិធានការដែលបានដាក់ចេញ ដោយរាជរដ្ឋាភិបាល និងវិស័យឯកជន
     ៥. ធ្វើបច្ចុប្បន្នភាព នៃដំណើរវិវត្ត ការប្រឈម និងនិន្នការនៅថ្ងៃអនាគតនៃអង្ករកម្ពុជា និងជំហររបស់អង្ករកម្ពុជានៅ ក្នុងទីផ្សារអន្តរជាតិ
     ៦. ប្រកាសសម្ភោធម៉ាកសញ្ញាវិញ្ញាតកម្មអង្ករកម្ពុជា ម្លិះអង្គរ
     ៧. ជម្រុញកសិករក្នុងការអនុវត្តនូវបច្ចេកវិទ្យាទំនើប និងម៉ូដែលថ្មីៗទំនើបកម្មនៃកសិកម្មតាមកិច្ចសន្យា

វេទិកាបានពិភាក្សាទៅលើរបៀបវារៈសំខាន់ៗដូចតទៅ៖
     ១. យុទ្ធសាស្ត្របម្លាស់ប្តូរ និងបង្កើតគោលនយោបាយសម្រាប់វិស័យស្រូវអង្ករកម្ពុជា នៅតំបន់ជុំវិញទន្លេសាបនិងតំបន់ដីសណ្តរទន្លេមេគង្គក្រោម 
     ២. សេចក្តីព្រាងគោលនយោបាយស្រូវអង្ករកម្ពុជាថ្មី
     ៣. ព្រមទាំងការធ្វើទំនើបកម្ម និងកសិដ្ឋានគំរូសម្រាប់វិស័យស្រូវអង្ករកម្ពុជានៅក្នុងខ្សែសង្វាក់ផលិកម្មស្រូវអង្ករ។

វេទិការនេះបានប្រព្រឹត្តិទៅយ៉ាងរលូនក្រោមបរិយាកាសរីករាយស្និទ្ធស្នាលនិងទទួលបានលទ្ធផលល្អប្រសើរ។ វេទិការនេះបានប្រព្រឹត្តិទៅរយៈពេលពីរថ្ងៃពេញនិង បិទបញ្ចប់នៅវេលាម៉ោង៥៖០០នាទីរសៀលនាថ្ងៃខែនិងឆ្នាំដដែល។



ព័ត៌មានចុងក្រោយ