ទិសដៅសកម្មភាពការងាររបស់ សមាគមជីអេស១កម្ពុជា (GS1 Cambodia) ក្នុងឆ្នាំ ២០១៧

សមាគមជីអេស១កម្ពុជា​ (GS1 Cambodia Association) ក្នុងឆ្នាំ ២០១៧ មានគម្រោងបងើ្កនសមាជិកបន្ថែមទៀតទៅលើ រោងចក្រ ទូរគមនាគមន៍ ផលិតផលដែលជាសិប្បកម្មដោយដៃ ស៊ីឌី វីស៊ីឌី ទសន្សាវដ្តី និង ផលិតផលនានា​ ដែលផលិតនៅក្នុងស្រុក ដោយបងើ្កនការទំនាក់ទំនងជាមួយស្ថាប័នពាក់ព័ន្ធផ្សេងៗ។

បន្ថែមពីនេះទៀត សមាគមជីអេស១កម្ពុជា​ (GS1 Cambodia​ Association) មានយុទ្ធសាស្រ្តថ្មី មួយទៀតដោយ ធ្វើការបញ្ជូនមន្រ្តីបារកូដចុះទៅតាមទីផ្សារ ដោយផ្ទាល់ដើម្បីធ្វើការស្រាវជ្រាវទៅលើផលិតផលពាក់កណ្តាលសម្រេចធ្វើការវេចខ្ចប់កែច្នៃនៅកម្ពុជា ដែលកំពុង ចរាចរណ៏ នៅលើទីផ្សារហើយមិន ទាន់ប្រើលេខបារកូដ។ ទន្ទឹមនឹងនេះ សមាគមជីអេស១កម្ពុជា (GS1 Cambodia​ Association)  ក៍មានគំរោងខិតខំស្រាវជ្រាវនូវប្រព័ន្ធបារកូដថ្មីដែលជា អត្ថប្រយោជន៏ក្នុងដំណើរការ នៃខ្សែសង្វាក់ផលិតកម្មរបស់ក្រុមហ៊ុន សហគ្រាស ឧស្សាហកម្ម សិប្បកម្ម និងសេវាកម្មទាំងអស់នៅកម្ពុជា។

ជាចុងក្រោយ សមាគមជីអេស១កម្ពុជា(GS1 Cambodia​ Association) នឹងធ្វើការពង្រឹងសក្តានុពល និងពង្រីកការផ្សព្វផ្សាយយ៉ាងទូលំទូលាយតាមរយៈប្រព័ន្ធផ្សព្វផ្សាយ ទូរទស្សន៍ និងវិទ្យុ ដើម្បីបញ្ជៀបការយល់ដឹងយ៉ាងស៊ីជម្រៅបន្ថែមទៀត អំពីអ្វីទៅជាបារកូដ។​ បច្ចេកទេសនៃការប្រើប្រាស់លេខបារកូដ ការគ្រប់គ្រងស្តុកតាមអេឡិចត្រូនិច អត្ថប្រយោជន៍នៃបារកូដ និងចូលរួមចំណែកជាមួយក្រសួងពាក់ព័ន្ធក៍ដូចជារាជរដ្ឋាភិបាល ដើម្បីលើកកម្ពស់ការយល់ដឹងពីសហគ្រិនភាព ការរីកចម្រើនក្នុងវិស័យសេដ្ឋកិច្ចដែលជាមោទនភាពជាតិ។

សមាគមជីអេស១កម្ពុជា​ ត្រូវបានបង្កើតឡើងនៅថ្ងៃទី ២៧ ខែ មិថុនា ឆ្នាំ ២០០៣ ស្ថិតនៅក្រោមការគ្រប់គ្រងរបស់សភាពាណិជ្ជកម្មកម្ពុជា ។ រហូតមកដល់បច្ចុប្បន្ននេះ (ឆ្នាំ ២០១៦)​ មានសមាជិកប្រើប្រាស់លេខបារកូដសរុបចំនួន ៨៦៥ និងសមាជិកដែលបានលាឈប់ប្រើប្រាស់លេខបារកូដមានចំនួន ២១៦។