បទដ្ឋានសកល GS1 អាចធានាបាននូវភាពបន្សីគ្នា និងអត្តរកម្មនៃដំណោះស្រាយស ង្វាក់ផ្គត់ផ្គង់មិនត្រឹមតែនៅក្នុងអង្គភាពអាជីវកម្មរបស់អ្នកប៉ុណ្ណោះទេ វាថែមទាំងអនុវត្តបាននៅក្នុងក្របខ័ណ្ឌក្នុងប្រទេស និងក្រៅប្រទេសថែមទៀតផង។ ប្រសិនបើគ្មានប្រព័ន្ធបទដ្ឋានទាំងអស់នេះទេ ថាតើយើងអាចកំណត់នូវអត្តសញ្ញាណទំនិញ ឬក៍ទីតាំងបានដែរឬទេ? ហើយថាតើការធ្វើការបញ្ជាទិញទំនិញ ការផ្តល់យោបល់ និងវិក័យប័ត្រដែលប្រញាប់អាចធ្វើការផ្លាស់ប្តូរបានដែរឬទេ? ហើយតើព័ត៌មានផលិតអាចប្រកបដោយភាពទៀងទាត់បានដែរឬទេ? ហើយថាតើប្រព័ន្ធតាមដានអាចទទួលបាននូវទិន្នន័យដែលគួរអោយជឿជាក់នៅទីណា?
បច្ចុប្បន្ននេះស្ថាប័នជាសមាជិកនៃស្ថាប័ន GS1 ជាង១០០ប្រទេសទូទាំងពិភពលោកត្រៀមខ្លួនជាស្រេចដើម្បីផ្តល់ជូននូវប្រព័ន្ធទាំងនេះ។
បទដ្ឋាន ជី អេស ១ (GS1)
ទោះបីជាអ្នករកស៊ីអ្វីក៍ដោយវាសំខាន់ណាស់ ជាពិសេសក្នុងការទទួលនូវព័ត៌មានទៀងទាត់ និងជឿជាក់ទៅលើផលិតផល និង ទ្រព្យសម្បត្តិរបស់លោកអ្នក។ ដើម្បីជៀសវាងនូវការភាន់ច្រលំដោយចៃដន្យណាមួយដែលកើតមានលើផលិតផល ការបរិយាយទាមទារអោយមានភាពច្បាស់លាស់ និងវែងសមស្រប។
ដើម្បីដោះស្រាយនូវបញ្ហាទាំងអស់នេះ ផលិតផលនីមួយៗត្រូវតែមានលេខកូដសំគាល់ដែលអនុវត្តស្របទៅតាមគោលការណ៍ច្បាប់ជាមូលដ្ឋានរបស់ ជី អេស ១។
ការស្កេនបានចូលរួមចំណែកយ៉ាងសំខាន់ទៅលើប្រព័ន្ធ ជី អេស ១ និងការធ្វើពាណិជ្ជកម្មរបស់អ្នក។
ប្រព័ន្ធនេះពឹងផ្អែកទៅលើការបែងចែក និងការប្រើប្រាស់លេខកូដកំណត់អត្តសញ្ញាទំនិញជាសកល និងតែមួយ។ លេខបាកូដនេះអាចត្រូវបានភ្ជាប់លើផលិតផល កេស និងផ្សេងៗ ហើយវាពាក់ព័ន្ធទៅនឹងឯកសារពាណិជ្ជកម្ម (អាចជាក្រដាសបោះពុម្ព ឬប្រព័ន្ធអេឡិចត្រូនិច) ដែលភ្ជាប់ទៅនឹងការលក់ផលិតផល។ លេខបាកូដគឺជាមធ្យោបាយមួយប្រើដើម្បីតំណាងអោយលេខសំរាប់អោយម៉ាស៊ីនចាប់យកទិន្នន័យទាំងនោះ។ ចំណែកផ្លាកអត្តសញ្ញាណប្រេកង់វិទ្យុគឺជាមធ្យោបាយមួយផ្សេងទៀត។
របៀបប្រើប្រាស់បាកូដតាមលក្ខណៈស្តង់ដា
ស្ថាប័នបាកូដ ជី អេស ១ កម្ពុជាសូមណែនាំលោកអ្នកនូវការប្រើប្រាស់អោយត្រូវតាមស្តង់ដា ដើម្បីបញ្ជៀសពីភាពអាម៉ាស់ទៅលើទីផ្សារ ពីព្រោះលេខបាកូដខុស ឬ ដៃគូពាណិជ្ជបដិសេដមិនទទួលទិញទំនិញ។
ជំហ៊ានទី ១ កំណត់អត្តសញ្ញាណផលិតផលលក់រាយរបស់អ្នក។ បង្កើតលេខកូដ ១៣ ខ្ទង់ ដើម្បីសំគាល់ផលិតផលនីមួយៗរបស់អ្នក។
ជំហ៊ានទី ២ កំណត់អត្តសញ្ញាណផលិតផលខាងក្នុង និងកេស
ជំហ៊ានទី ៣ កំណត់អត្តសញ្ញាណផលិតផលខាងក្នុង និងកេសផលិតផលធំៗរបស់អ្នក។ ចាំបាច់បង្កើតលេខ SSCC សំរាប់ដាក់លើកេសធំនីមួយៗ។
ជំហ៊ានទី ៤ ជ្រើសរើសប្រភេទលេខបាកូដ
ជំហ៊ានទី ៥ បោះពុម្ពលេខកូដនៅលើផលិតផលស្ថាប័នបាកូដកម្ពុជា មិនបានបោះពុម្ពនូវលេខបាកូដអោយនោះទេ។ ក្រុមហ៊ុននីមួយៗត្រូវបោះពុម្ពលេខបាកូដដោយខ្លួនឯង។
ជំហ៊ានទី ៦ ទទួលបាននូវលេខបាកូដត្រឹមត្រូវ។ តំរូវការរូបរាងខាងក្រៅ ដូចជា ទំហំ កំពស់ ពណ៌ និងទីតាំងមានសារសំខាន់ខ្លាំងណាស់។ ផលិតផលដែលប្រើលេខបាកូដមិនត្រឹមត្រូវ ត្រូវបានអតិថិជនមិនទិញ ឬគ្មានប្រសិទ្ធិភាពនៅក្នុងសង្វាក់ផ្គត់ផ្គង់តាមរយៈស្គេនផលិតផលមិនចេញ និងមិនធានាថាបុគ្គលដែលបានបោះពុម្ពលេខកូដអោយអ្នកមានការដឹងច្បាស់ពីព័ត៌មាននៃផលិតផលរបស់លោក លោកស្រី។
