Skip to main content
  • ភាសា   |

អី្វទៅជាបាកូដ?

បារកូដ គឺជាប្រព័ន្ធលេខកូដសម្រាប់ដាក់លើទំនិញ ឬសេវាកម្ម ដែលបង្កើតដោយរបា ឬ សញ្ញាឆ្នូតៗ ជាទូទៅមានពណ៌ខ្មៅ និងផ្ទៃរបស់វាពណ៌ស ហើយត្រូវបានចាប់យក ឬបង្ហាញទិន្នន័យដោយម៉ាស៊ីនស្គេនន័រ ដែលមានផ្ទុកនូវប្រព័ន្ធទិន្នន័យរបស់វាស្រាប់។

ហេតុអី្វបានជាយើងត្រូវប្រើប្រាស់លេខបារកូដ


 លេខបារកូដអាចអោយយើងកំណត់បានយ៉ាងឆាប់រហ័សនូវអត្តសញ្ញាណនៃទំនិញ ព្រទ្យសម្បត្តិ ឯកសារ និងមនុស្ស។ ការប្រើប្រាស់លេខបារកូដអាចជួយកាត់បន្ថយនូវកំហុសឆ្គងរបស់មនុស្សក្នុងការបញ្ចូលទិន្នន័យ និងដំណើរការទិន្នន័យ កាត់បន្ថយនូវបញ្ហាដែលបង្ករឡើងដោយការប្រើប្រាស់វិធីសាស្ត្រខុសឆ្គងក្នុងការកំណត់ផ្លាកកញ្ចប់ផលិតផល និងកំហុសឆ្គងមួយចំនួនដោយពាក់ព័ន្ធនឹងការសរសេរឡើងដោយដៃ។

អត្ថប្រយោជន៍នៃការប្រើប្រាស់ប្រព័ន្ធ ជី អេស ១ (GS1)


  1. បទដ្ឋានតែមួយចំពោះដៃគូធ្វើពាណិជ្ជកម្ម
  2. ធ្វើអោយទំនាក់ទំនងពីក្រុមហ៊ុនមួយទៅក្រុមហ៊ុនមួយកាន់តែមានលក្ខណៈប្រសើរឡើងនៅក្នុងខ្សែសង្វាក់ផ្គត់ផ្គង់។
  3. គ្រប់គ្រងបានល្អទៅលើការចែកចាយ និងស្តុកទំនិញ។
  4. ឆ្លើយតបបានល្អទៅកាន់អតិថិជន និងអ្នកប្រើប្រាស់
  5. កាត់បន្ថយនូវកំហុសឆ្គងផលិតផល
  6. មានប្រសិទ្ធភាពខ្ពស់នៅក្នុងការចាប់យកទិន្នន័យផ្សេងៗនៅក្នុងឃ្លាំង។
  7. ចាប់យកទិន្នន័យបានត្រឹមត្រូវ និងឆាប់រហ័សនៅគ្រប់ចំណុចនៃសង្វាក់ផ្គត់ផ្គង់។
  8. ងាយស្រួលក្នុងការនាំចេញ។