ជី អេស ១ កម្ពុជា​ បានចូលរួមកម្មវិធី វេទិកា ជី អេស ១ តំបន់អាស៊ីប៉ាស៊ីហ្វិក ប្រចាំឆ្នាំ ២០១៦ នាថ្ងៃទី ១៣ ដល់ថ្ងៃទី១៥ កញ្ញា ២០១៦ ដែលវេទិកា​នេះប្រព្រឹត្តទៅនៅសណ្ឋាគារលំដាប់ផ្កាយ៥ សាយ៉ាម ខេមភីនស្គី (Siam Kempinski Hotel) នាទីក្រុងបាងកកប្រទេសថៃ ។ វេទិកានេះ គឺជាការជួបជុំ​គ្នារវាងថ្នាក់ដឹកនាំនិងសមាជិក ជី អេស ១ ទាំងអស់នៃតំបន់អាស៊ីប៉ាស៊ីហ្វិក ដើម្បីផ្លាស់ប្តូរយោបល់ បទពិសោធន៍ការងារកន្លងមក ហើយរួមគ្នារក​ដំណោះ​ស្រាយសម្រាប់ការអភិវឌ្ឍន៍បន្ថែមទៀត និងបណ្តុះបណ្តាល​សម្ថភាព​​បន្ថែមនូវបច្ចេកទេសថ្មីៗក្នុងនោះក៍មានយុទ្ធសាស្ត្រទីផ្សារផងដែរ ។  តើវេទិកានេះ មានសកម្មភាព និងទិន្នភាពយ៉ាងណាខ្លះ សូមទស្សនា​នូវ​កម្រងរូបភាពខាងក្រោម៖

ថ្ងៃទី ១

វេទិកានៃការជួបជុំរវាង (CEOs) ធ្វើការពិភាក្សាគ្នាយ៉ាងផុសផុលនៃថ្នាក់​ដឹក​នាំ​គ្រប់រូបអំពី ជី អេស ១ នៅតាមបណ្តាប្រទេសនានា ជុំវិញតំបន់អាស៊ី​ប៉ាស៊ីហ្វិក នឹងការបណ្តុះបណ្តាលផ្នែកទីផ្សារ ។ បន្ថែមពីនេះក៍មានការ​ពិសារ​អាហារជួបជុំគ្នា ដើម្បីរឹតបន្តឹងចំណងមិត្តភាព និងភាតរភាព​រវាងសមាជិក ជី អេស ១ ទាំងអស់ដែលបានចូលរួមវេទិកានេះ។